星行者

電影《千言萬語》中的一幕：許鞍華在戲中飾演的導演去訪問成為了區議員的謝君豪。訪問途中，外賣送到，眾人鬧紛紛地取去飯盒後作鳥獸散狀。
沒有人付錢。

沒有人想過飯盒是要錢的。

最後由許鞍華結賬。

看這一幕時有點感慨。

因為它那一針見血的諷刺，像被蚊子在要害中細叮了一口。並不致命卻實在有點疼。

很喜歡商業交易的感覺。其中一個原因就是在絕大部份的情況下，買賣雙方都貨銀兩訖，互不拖欠。
但是，在學生活動或一些純粹靠友情去運作的組織中，《千言萬語》中的一幕簡直是幅永恆的寫實畫。
每個人都覺得自己付出了的心力是無價的，是如斯高皎潔，故亦不必處理俗世間之瑣事。

他/她們忘記除了失敗以外，努力也是成功的另一個母親。

尤其是那些以友情作基礎的合作關係。友情確是無價的，因為他是一個不折不扣的高利貸。借少少還多多。

我遲到、我不負責任、我可以作不設實際的要求…因為我只是友情客串，沒有酬勞。

活脫脫是一副「用你，吃你，還要踩你」的無賴嘴臉。他/她們只看見別人的錯，卻忽略了自己眼中的刺。

既然天下沒有免費的午餐，那何不乾脆用錢去處理所有技術性的問題？還是讓友情清爽乾淨地擔當它本來角色。

生日快樂
導演: 馬楚成
主演: 古天樂, 劉若英, 周俊偉, 曾寶儀, 吳耀漢

看了生日快樂，沒有想像中的感動，反而有點莫名其妙的奄悶。

完全不明白兩個人的自私為什麼要包裝得如此美麗。

小米因為童年陰影而只願意作小南比好朋友更好的朋友，可是她肯完全放手嗎？又不見得啊。她有沒有想過自己的行為會為小南的女友帶來多大的痛苦？難道小南的女友可以因為自己男友的一個好朋友而跟他鬧翻嗎？可是，長此下去，你又叫她如何自處呢？假如小米真的能格守本份，又何必在知道小南結婚時那失心瘋呢？自己想要不能要，又不淮其他人要．．．不是自私嗎？

小南明知小米有這樣的心理陰影，可是他竟然選擇自己離開。難道小南沒有想像過當小米知道真相後的內疚和傷心嗎？紙是包不住火的，當水落石出之時，她如何承受這種告別呢？我甚至懷疑這是不是小南對小米最後的懲罰～～

全劇唯一令我有所感觸的一幕是小Ｄ知道自己錯怪小南，在機場洗手間痛哭～人生，總是由誤會和錯失組成的～

以下文章以廣東話表達，不喜者請跳過~~

*******************************************************************************************************
性工作者十日談
導演: 邱禮濤
主演: 朱茵, 余安安, 蔣雅文, 董敏莉, 吳曰言, 李逸朗, 鄧健泓, 陳葦庭

好耐無睇一套戲可以令我有衝動起身敬禮。

性工作者十日談真係令人拍案驚奇。

句句到肉，字字珠璣。

例一:蔣雅文既NANA對余安安既媽媽生講：「媽咪，我而家賣身已經夠賤，係唔係仲要賣笑？」

搵食艱難。我既答案係：賣身固然要，可以賣埋笑就更加所向披靡。

問心有幾多個老闆鐘意一個燶口燶面既下屬對住自己？好，就當你識偷天換日，佢忍你。不過萬一閣下唔覺意失手，嘿嘿嘿。

你可能覺得出黎打工，出賣勞力腦力精力已經夠，駛唔駛賣笑？哈，我就覺得，笑得多唔係益人而係為自己：
(一) 你幾時見過一個烏雲蓋頂既人係人見人愛、車見車載？任你靚過林志玲勁過劉嘉玲都係咁話，死人樣咁返工，艷屍對得耐都想嘔啦，我驚你老闆終有一日想時運高D而炒你。幾咁無謂呢。
(二) 好啦，日日面如玄壇咁返工，初時D細既挭係對你敬而遠之。久而久之，咦，阿姐你日日都係咁，你估佢地仲會唔會驚啦？人係一種慣性動物，嚇慣嚇熟，你再嬲爆時仲會唔會震得住佢地呢？管唔掂下面班人，老細又掂會撐你呢？
(三) 而家份份工既壓力都咁大，唔想做到唔生唔死行屍走肉咁，笑多d啦？好似話笑得多係可以增強免疫能力，又可以減輕憂鬱焦慮，舒緩高血壓同心臟病，講到能醫百病，又唔駛錢，試下無壞啫，對身體好D，錫自己多D，自然又襟撈D啦，係咪。


例二: 睇睇朱茵既媽媽生鬧蔣雅文既NANA日日遲到個場：「你NANA個窿縱然曉飛，D男人都唔等啦，鹹濕佬黎架，個個都鹹濕佬，鹹濕起上黎，塑膠公仔照啅﹗」

「食色性也」，男人鹹濕係天性，以上對白絕無眨意，只係一針見血。既然明知食色性也，我就唔明點解D女人覺得實踐食譜就賢良淑德、鑽研愛經就淫盪失德。唔好誤會，我絕對唔係覺得女人應該用性去留住男人。性，從來都唔係工具，而係一種愛既體驗。之不過我真係唔明以前D人成日都話：「要留住一個人男人要抓住佢既胃」，偏偏呢D人從來都無諗過豐富既床上饗宴亦可以令一段感情更深厚濃密。當然，女人根本就唔應該以留住男人既心理去做任何事，關係既維持係靠兩個人既努力，不論係食定色，唔該，呢件事都係一件令自己開心既事，而唔係取悅男人既手段。話時話，都係時侯邊煮蒜蓉牛油焗大蝦，邊欣賞下江戶四十八手既浮世繪。哈。

戲入面唔少金句，建議有興趣者真係可以買隻DVD煲煲佢。